Ավելի քան 137,000 մարդ տարհանվել է Լոս Անջելեսի ամենակործանարար անտառային հրդեհի հետևանքով

Առնվազն հինգ անտառային հրդեհներ այժմ մոլեգնում են Լոս Անջելեսում և նրա հարևան շրջանների որոշ մասերում:

BBC-ի փոխանցմամբ, հաստատվել է, որ հինգ մարդ զոհվել է, և ավելի քան 137,000 մարդ տարհանվել է Լոս Անջելեսի պատմության մեջ ամենակործանարար անտառային հրդեհի հետևանքով:

Պաշտոնյաներն ասում են, որ հրդեհներից երեքըմեկուսացված չեն, և Հոլիվուդի բլուրներում հրդեհը «արագ ընդլայնվում է»:

Հոլիվուդի փողոցներում տեսարանները նկարագրվել են որպես «լիակատար քաոս», որտեղ շատերը ճանապարհի հակառակ կողմով են վարում փախչելու համար: