Արման Ծառուկյանի առաջին հայտարարությունը՝ Մախաչևի հետ մենամարտից հրաժարվելուց հետո

Խառը մենամարտերի թեթև քաշային կարգում UFC դասակարգման առաջատար Արման Ծառուկյանը սոցիալական ցանցերում Իսլամ Մախաչևի դեմ մենամարտից հրաժարվելուց հետո դիմել է երկրպագուներին:

Նրանք պետք է մենամարտեին UFC 311 մրցաշարում, Մախաչևի նոր մրցակիցը կլինի բրազիլացի Ռենատո Մոիկանոն։

«Ցավով պետք է տեղեկացնեմ, որ UFC 311-ից մեջքի վնասվածքի պատճառով դուրս գալու լուրը ճիշտ է։ Սա իմ կարիերայի ընթացքում ընդունած ամենադժվար որոշումն էր։ Ուզում եմ շնորհակալություն հայտնել UFC-ին՝ ըմբռնման համար, և ես անհամբերությամբ սպասում եմ իմ առաջին UFC չեմպիոնական մենամարտին ապագայում։ Շնորհակալություն բոլորիդ աջակցության համար»,- գրել է Ծառուկյանը։