Ալեքսանդր Սիրունյանը հրաժարվել է ԲԴԽ անդամի թեկնածությունից

Ալեքսանդր Սիրունյանը հրաժարվել է ԲԴԽ անդամի թեկնածությունից։ Լրագրողների հետ ճեպազրույցի ժամանակ հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը:

«Սիրունյանն արդեն հանդես է եկել հայտարարությամբ, հայտարարել է, որ, հաշվի առնելով այն հանգամանքը, որ քննարկումների և Կոռուպցիայի կանխարգելման հանձնաժողովի եզրակացության մեջ որոշակի  դիտարկումներ կան, ինքն այս պարագայում իր թեկնածությունը հետ է քաշում, որպեսզի իրավիճակը պարզաբանվի»,- ասաց նա։

Հիշեցնենք, որ  Ալեքսանդր Սիրունյանի թեկնածությունը Բարձրագույն դատական խորհրդի անդամի պաշտոնում առաջադրել է «Քաղաքացիական պայմանագիր» խմբակցությունը։