Օվերչուկ. Երևանը և Բաքուն սահմանի հարցում շատ մեծ և լավ առաջընթաց են գրանցվել

Հայաստանն ու Ադրբեջանն առաջընթաց են գրանցել սահմանների սահմանազատման և սահմանագծման հարցում, ինչը նպաստում է կայունությանը։ ՏԱՍՍ-ի փոխանցմամբ այդ մասին լրագրողներին հայտարարել է ՌԴ փոխվարչապետ Ալեքսեյ Օվերչուկը։

Պատասխանելով հարցին, թե իր համանախագահությամբ եռակողմ աշխատանքային խումբը հայ և ադրբեջանցի գործընկերներ Մհեր Գրիգորյանի և Շահին Մուստաֆաևի հետ շարունակո՞ւմ է աշխատանքը՝ Օվերչուկը նշել է, որ «ոչ ոք ֆորմալ առումով այն չի դադարեցրել»։ «Մենք պարբերաբար շփվում ենք այդ թեմայով, բայց ոչ եռակողմ ձևաչափով, այլ, ինչպես ասում են, առանձին», -ասել էՌԴ փոխվարչապետը և շարունակել. «Իմ գործընկերները պարբերաբար հանդիպում են սահմանազատման և սահմամագծման հանձնաժողովի շրջանակներում։ Այնտեղ շատ մեծ և լավ առաջընթաց է գրանցվել»։

Ինչպես ընդգծել է Օվերչուկը, սահմանի մի մասն արդեն սահմանազատվել և սահմանազատվել է, և այժմ կողմերը պայմանավորվել են շարժվել հյուսիսից՝ Ադրբեջանի, Հայաստանի և Վրաստանի սահմանների հանգույցից դեպի հարավ։

«Մենք միշտ ողջունել ենք նման շփումները և նման համատեղ աշխատանքը, քանի որ դա անկասկած կնպաստի տարածաշրջանում կայունությանը: Եվ մեր կողմից մենք միշտ առաջարկել ենք աջակցել այս գործընթացին։ Այն շատ կառուցողական գործընթաց է»,-հավելել է նա։