Թրամփն հայտնել է, թե կապի մեջ է Ռուսաստանի հետ

ԱՄՆ-ն արդեն «շփվում է» Ռուսաստանի հետ՝ կապված Վաշինգտոնում ավիավթարի հետևանքով զոհվածների հետ և կօգնի նրանց դիերն ուղարկել Ռուսաստան։ «ՌԱԻ նովոստի»-ի փոխանցմամբ հինգշաբթի ասել է ԱՄՆ նախագահ Դոնալդ Թրամփը։

«Մենք արդեն կապի մեջ ենք Ռուսաստանի հետ, և պատասխանն է՝ այո, մենք կաջակցենք», - ասել է Թրամփը ճեպազրույցում՝ ի պատասխան լրագրողի այն հարցին, թե արդյոք ԱՄՆ-ը կօգնի Ռուսաստան դիեր տեղափոխել՝ հաշվի առնելով, որ ներկայումս ուղիղ օդային կապ չկա երկրների միջև։

Միաժամանակ նա ասել է, որ այդ թեման չի քննարկել իր ռուս գործընկեր Վլադիմիր Պուտինի հետ։