ԱԳՆ-ն վշտակցում է ԱՄՆ-ում զոհվածների ընտանիքներին

«Խորապես վշտացած ենք, Վաշինգտոնում տեղի ունեցած ողբերգական ավիավթարի կապակցությամբ, որը բազմաթիվ կյանքեր խլեց»։ Ասված է  ԱԳ նախարարության X-ի միկրոբլոգում հրապարակվախ ցավակցական խոսքում։ 

«Մեր խորին ցավակցություններն ու սփոփանքի խոսքերը զոհվածների ընտանիքներին ու մերձավորներին: Հայաստանն իր համերաշխությունն է հայտնում ԱՄՆ ժողովրդին»,-նշված է ԱԳՆ հրապարակած խոսքում։

Հիշեցնենք, որ Վաշինգտոնի Ռեյգանի միջազգային օդանավակայանի մոտակայքում ռազմական Black Hawk ուղղաթիռը բախվել է Կանզասից թռչող ուղևորատար ինքնաթիռին, որում եղել է 64 մարդ։

Ենթադրվում է, որ բոլոր ուղևորները մահացել են։

American Airlines ավիաընկերության կործանված մարդատար ինքնաթիռում եղել են նաև ռուսական գեղասահքի դպրոցի ներկայացուցիչներ՝ գեղասահքի զույգերի աշխարհի չեմպիոններ Եվգենյա Շիշկովան և Ռուսաստանի հավաքականի անդամ Վադիմ Նաումովը։