Մոսկվայում բնակելի համալիրում տեղի ունեցած պայթյունից տուժած Արմեն Սարգսյանը հիվանդանոցում մաhաgել է

Ինքնահռչակ Դոնեցկի Ժողովրդական Հանրապետության բռնցքամարտի ֆեդերացիայի ղեկավար Արմեն Սարգսյանը, ով վիրավորվել է Մոսկվայի «Алые паруса» բնակելի համալիրում տեղի ունեցած պայթյունից,հիվանդանոցում մահացել է:

«Սարգսյանը մահացել է հիվանդանոցում»,- հայտնել է ՏԱՍՍ-ի աղբյուրը։

Նրա մահվան մասին տեղեկությունը հաստատել է  նաև նրա շրջապատը, ինչպես նաև Գորլովկայի քաղաքապետ Իվան Պրիխոդկոն։

«Այո»,- ասել է նա՝ պատասխանելով Սարգսյանի մահվան մասին ՏԱՍՍ-ի հարցին։

Ավելի ուշ նրա մահը հաստատվել է Քննչական կոմիտեի կողմից։

«Չնայած ցուցաբերած օգնությանը, տուժածներից մեկը մահացել է բուժհաստատությունում»,- ասվում է Մոսկվայի քննչական կոմիտեի գլխավոր քննչական վարչության հաղորդագրության մեջ։

Ավելի վաղ հաղորդվել էր, որ այսօր Մոսկվայի հյուսիս-արևմուտքում գտնվող «Алые паруса» բնակելի համալիրում տեղի ունեցած պայթյունի հետևանքով մեկ մարդ է զոհվել, չորսը, նախնական տվյալներով, վիրավորվել են և գտնվում են ծանր վիճակում։