Ջո, դու ազատված ես. Թրամփի նոր հրամանագիրը

ԱՄՆ նախագահ Դոնալդ Թրամփը հայտարարել է՝ վերացնում է նախկին նախագահ Ջո Բայդենի հասանելիությունը գաղտնի տեղեկատվությանը։ Այս մասին գրում է CNN-ը։

Թրամփը պնդում էր, որ Բայդենը նախադեպ ստեղծեց 2021 թվականին՝ իր պաշտոնից հեռանալուց հետո հանձնարարելով հետախուզական համայնքին սահմանափակել Թրամփի մուտքը ազգային անվտանգության հետ կապված տեղեկատվությանը։ Թրամփը դա համարում է անարդար գործողություն:

«Կարիք չկա, որ Ջո Բայդենը շարունակի գաղտնի տեղեկատվության հասանելիություն ստանալ», - գրել է Թրամփը իր Truth Social հարթակում հրապարակված գրառման մեջ, ապա ավելացրել. «Ջո, դու ազատված ես»։

Թրամփն ասել է՝ Բայդենին «չի կարելի վստահել զգայուն տեղեկատվությանը», Բայդենը վատ հիշողություն ունի։