Դավութօղլուն առաջարկում է Գազային Թուրքիայում ինքնավար մարզի կարգավիճակ տալ, որպես Օսմանյան կայսրության մաս

Ընդդիմադիր Գելեքեք («Ապագա») կուսակցության առաջնորդ Թուրքիայի նախկին վարչապետ Ահմեդ Դավութօղլուն առաջարկել է Գազայի հատվածին թուրքական ինքնավար մարզի կարգավիճակ տալ։ Այդ մասին գրել է «ՌԻԱ նովոստի»-ն։

Երեքշաբթի օրը ԱՄՆ նախագահ Դոնալդ Թրամփը Հորդանանի թագավոր Աբդալլահ Երկրորդի հետ բաց հանդիպման ժամանակ ասաց, որ ԱՄՆ-ը չի գնի Գազայի հատվածը, բայց այն կլինի ամերիկյան սեփականությունը: Թրամփը Գազայի հանդեպ նաև «ճիշտ» քայլեր է խոստացել և ասել, որ հույսը դնում է Եգիպտոսի հետ պայմանավորվածությունների վրա։

«Թուրքիան, որպես Օսմանյան կայսրության օրինական իրավահաջորդ, պետք է Գազայի ժողովրդին վերաբերվի որպես պատմության ընթացքում ընկեր և համաքաղաքացիներ: Թող Գազայի ժողովուրդը հանրաքվե անցկացնի և միանա Թուրքիային որպես ինքնավար շրջան, մինչև Պաղեստին պետություն ստեղծվելը: Որոշումը Գազայի ժողովրդինն է»,-խորհրդարանում ասել է Դավութօղլուն:

Նրա խոսքով՝ Գազայի հատվածը Օսմանյան կայսրության մաս է եղել օրինական կերպով, մինչդեռ բրիտանական մանդատը և Իսրայելի օկուպացիան անօրինական էին։