Աբխազիայի նախագահի պաշտոնակատարը աշխատանքից ազատել է Պետական անվտանգության ծառայության ղեկավարին

Աբխազիայի Պետական անվտանգության ծառայության նախագահ Դմիտրի Կուչուբերիան նախագահի պաշտոնակատարի հրամանագրով ազատվել է զբաղեցրած պաշտոնից։ «ՌԻԱ նովոստի»-ն գրում է, որ այդ մասին երկուշաբթի հայտնել է պետության ղեկավարի մամուլի ծառայությունը։

«Աբխազիայի նախագահի պաշտոնակատար Վալերի Բգանբան հրամանագիր է ստորագրել Պետական անվտանգության ծառայության նախագահ Դմիտրի Կուչուբերիային զբաղեցրած պաշտոնից ազատելու մասին»,- ասվում է մամուլի ծառայության հաղորդագրության մեջ։

Այդ պաշտոնում ժամանակավորապես նշանակվել է Աբխազիայի պետական անվտանգության ծառայության ղեկավարի տեղակալ Ալխաս Չիչբան։