Երևանում կյանքն ավելի թանկ է, քան Մոսկվայում, Պեկինում, նույնիսկ Ռիո դե Ժանեիրոյում

Փաստորեն Երևանում ապրելն ավելի թանկ է, քան Մոսկվայում, Թբիլիսիում, Բաթումում, Պեկինում, Ռիոյում, Բուդապեշտում, Բաքվում և շատ այլ խոշոր քաղաքներում։ Նշում է ԱԺ նախկին պատգամավոր Արմեն Եղիազարյանը՝ վկայակոչելով «Cost of Living Plus Rent Index by City2025»-ի հրապարակած տվյալները։

Ըստ այդմ, տարածաշրջանի ամենաթանկ քաղաքը Երևանն է։ Հայաստանի մայրաքաղաքը  ցուցակի 179-րդ տեղում է: Երևանից ավելի մատչելի քաղաքներ են Մոսկվան (210), Անկարա (214), Թբիլիսին (222), Բաքուն (256), Բաթումին (257) և Թեհրանը (267):

Հայաստանի մայրաքաղաքում կյանքը նույնիսկ ավելի թանկ է, քան Պեկինում` 184-րդ տեղը, Վարշավա 181, Բուինոս Այրես 196, Բուդապեշտ 200, Սան Պաուլո 243, Ռիո դե Ժանեիրո 269, Մինսկ 281, Նովոսիբիրսկ 303։

Աշխարհում կյանքն առավել թանկ է Նյու Յորքում, Սան Ֆրանցիսկոյում, Ցյուրիխում, Ժնևում, Բոստոնում, Սինգապուրում, Վաշինգտոնում և այլն։