Հակոբ Տոնոյանի անվան Սուպերգավաթի հանդիպումն այսօր չի կայանա

Այսօր ծրագրված Հակոբ Տոնոյանի անվան Սուպերգավաթի հանդիպումը չի կայանա:

«Հայաստանի ֆուտբոլի ֆեդերացիայի, «Հանրապետական» մարզադաշտի և Ֆուտբոլի ակադեմիայի աշխատակիցները գործադրեցին բոլոր ջանքերը՝ խաղադաշտը պատշաճ տեսքի բերելու համար, սակայն առատ ձյան և եղանակային անբարենպաստ պայմանների պատճառով հանդիպման կայացումը դարձավ անհնար:
Հանդիպման կայացման նոր ժամկետի մասին կհայտնենք լրացուցիչ»,- հայտնում են ՀՖՖ-ից։ 

Սուպերգավաթի խաղում պետք է մրցեն «Արարատ-Արմենիան» և «Փյունիկը»: