ՈւՂԻՂ. Ռուբեն Վարդանյանի ու Բաքվում պահվող մյուս գերիների հարցով հրավիրել դիվանագետների հավաք

ԱԳ նախարարության շենքի դիմաց բազմամարդ է։ Այստեղ քաղաքացիներ, հանրային գործիչներ եկել են Արցախի նախկին պետնախարար, գործարար, բարերար Ռուբեն Վարդանյանի՝ վերջին դատական նիստի ընթացքից հրապարակված լուսանկարներով, որտեղ Վարդանյանը հյուծված տեսք ունի։

Ավելի վաղ հայտարարվել էր, որ ակցիայի մասնակիցները Հայաստանի արտաքին քաղաքականության պատասխանատու կառույցից պահանջելու են հանդես գալ հրատապ հայտարարությամբ և հրավիրել Հայաստանում հավատարմագրված դիվանագետների հավաք։

«Հայաստանի կառավարության և միջազգային հանրության լռությունն ուղղակի աջակցություն է Ադրբեջանի վայրագություններին»,-նշել էին նրանք։