Էստոնիան արգելել է Վրաստանի կառավարության 55 պաշտոնյաների մուտքն իր տարածք

Էստոնիան մուտքի արգելք է սահմանել Վրաստանի կառավարության 55 պաշտոնյաների համար։ Այդ մասին հայտարարել է բալթյան հանրապետության արտաքին գործերի նախարար Մարգուս Ցախկնան։

«Ես հրաման եմ ստորագրել, համաձայն որի Էստոնիան արգելում է 55 վրացի դատախազների, դատավորների, ոստիկանների, խորհրդարանականների և այլ կառավարական գերատեսչությունների ներկայացուցիչների մուտքը երկիր»,-ՏԱՍՍ-ի փոխանցմամբ՝ այդ մասին նա գրել է X-ի իր միկրոբլոգում։