Տեր Հովակիմ Եպիսկոպոս Մանուկյանն ու քրիստոնյա առաջնորդները կոչ են անում ՄԹ կառավարությանը քայլեր ձեռնարկել հայ գերիների ազատ արձակման համար

Տեր Հովակիմ Եպիսկոպոս Մանուկյանը, քրիստոնյա այլ առաջնորդների հետ միասին, նամակ է ուղարկել Մեծ Բրիտանիայի վարչապետին՝ արտահայտելով իր խոր մտահոգությունը Ադրբեջանի կողմից ապօրինի կերպով կալանավորված 23 հայերի վերաբերյալ։

2023-ին Արցախից 120,000 հայերի բռնի տեղահանումից հետո, այս անձինք՝ ներառյալ նախկին կառավարական պաշտոնյաներ, ռազմագերիներ և քաղաքացիական անձինք, կեղծ մեղադրանքների, անարդար դատավարությունների և անմարդկային վերաբերմունքի են ենթարկվում Բաքվում։

Նամակում շեշտվում է, որ խախտվում են միջազգային մարդու իրավունքները, գերիներին զրկել են իրենց ընտրած փաստաբանի օգնությունից, իսկ Ադրբեջանը վտարել է միջազգային մարդասիրական կազմակերպությունները, ինչի արդյունքում գերիները մնացել են ամբողջությամբ մեկուսացված։ Տեր Հովակիմ Եպիսկոպոս Մանուկյանը կոչ է անում ՄԹ կառավարությանը վճռական քայլեր ձեռնարկել և պարտադրել Ադրբեջանին կատարել իր միջազգային պարտավորությունները։

«Նրանց շարունակական կալանավորումն ու ընթացիկ դատավարությունները կոպիտ և ակնհայտ խախտում են միջազգային մարդու իրավունքների և միջազգային մարդասիրական իրավունքի: Մեծ Բրիտանիայի վճռական դիրքորոշումն ու հստակ պատգամը, որ մարդու իրավունքների խախտումները անընդունելի են, կօգնեն ապահովել արդարության վերականգնումը»։

ՄԹ և Իռլանդիայի հայ համայնքը շարունակում է պայքարել արդարության և մարդու իրավունքների պաշտպանության համար։