Այսօրվա իրադարձությունների պատճառը երեկվա իմ բացահայտումներն էին. Մարտուն Գրիգորյան

«Օրերս կառավարությունը 1.5 մլրդ դրամ հատկացրեց Շիրակացի փողոցը վերականգնելու համար, երբ 2022թվականից  բազմիցս դիմել էին, բայց գումար չէին տվել։ Կասե՞ք ինչպես է եղել այդ հրաշքը»,-Սարիկ Մինասյանին հարցրեց քաղաքապետի թեկնածում Ռուբեն Մխիթարյանը։

Սարիկ Մինասյանը պատասխանեց, որ այդ փողոցը վերանորեգելու համար Գյումրու համայնքից 15 մլն դրամ էր ծախսվել որպեսզի նախագծվի, և որպեսզի այդ գումարը չփոշիանա, դիմել է կառավարությանը և նա հատկացրեց 1.5 մլրդ դրամ։

Ռուբեն Մխիթարյանը հարցրեց, թե ինչու դա տեղի չունեցավ այն ժամանակ, երբ քաղաքապետի պաշտոնակատար էր աշխատում և 1.5 մլրդ դրամը տրամադրվեց ընտրարշավի ժամանակ՝ նաև հետաքրքրվելով, թե այրդյո՞ք այն ընտրակաշռք չէ։

Մարտուն Գրիգորյանն էլ նկատեց, որ գումարի հատկացման մասին իր ֆեյսբուքյան էջում գրել է Սարիկ Մինասյանն այն ժամանակ, երբ քաղաքապետի լիազորությունները ժամանակավորապես դադարեցված է եղել՝ ընտրարշավի մասնակցելու համար։

Մարտուն Գրիգորյանը Սարիկ Մինասյանին նաև հարցրեց, թե փայտ բաժանելն արդյոք ընտրակաշառք է, թե ոչ։

«Դուք պետք է գիտակցեք, որ ընտրություն եք կատարում հանուն ապագայի, նամուսի ավանդույթի թասիբի»,-իր խոսքն ավարտեց Ռուբեն Մխիթարյանը։

 Նա նշեց, որ գյումրեցին 7 տարի տեսել է, թե ինչ ավերներ է բերել գործող իշխանությունը, թե ինչ կորուստնե է տեսել այս երկիրը, թե ինչպես է մեծացած Եռաբլուրը։

Մարտուն Գրիգորյանն էլ նշեց, որ այսօրվա իր հարազատների և կողմնակիցների ձերբակալության պատճառն այն է, որ նախորդ օրը մի բացահայտում է արել,  ըստ որի 7 թեկնածու պատրաստվում են իրենց ձայնը տան Վարդան Ղուկասյանին, քանի որ նա լուրջ խոցելի է։