Մյանմայում երկրաշարժի զոհերի թիվը հասել է 2886-ի

Մյանմայում տեղի ունեցած երկրաշարժի զոհերի թիվը հասել է 2886-ի։ Այս մասին գրում է «Ռիա Նովոստի» գործակալությունը։

Ավերիչ երկրաշարժի հետևանքով  4639 մարդ ստացել է տարբեր աստիճանի վնասվածքներ,  373 մարդ այս պահին համարվում է  անհետ կորած։

Ավելի վաղ հայտարարվել էր, որ բնական աղետի հետևանքով զոհվել է 2719 մարդ, վիրավորվել՝ 4521-ը։

Հիշեցնենք, որ մարտի 28-ին Մյանմայում և Թաիլանդում տեղի էր ունեցել 7,7 մագնիտուդ ուժգնությամբ երկրաշարժ, որի էպիկենտրոնը գտնվում է  Սագաինգ քաղաքից 12 կմ հեռավորության վրա։ Երկրաշարժի օջախը գտնվել է տասը կիլոմետր խորության վրա։ Ստորգետնյա ցնցումները զգացվել են նաև հարևան երկրներում՝ Բանգլադեշում, Հնդկաստանում, Թաիլանդում, Լաոսում և Չինաստանում։