Ամենից շատ կարդացված նյութեր
.jpg "Վրաստանի խորհրդարանի նախագահը արևմտյան երկրների դեսպաններին կոչ է արել չմիջամտել երկրի գործերին")
Վրաստանի խորհրդարանի նախագահը արևմտյան երկրների դեսպաններին կոչ է արել չմիջամտել երկրի գործերին
Վրաստանի խորհրդարանի նախագահ Շալվա Պապուաշվիլին արևմտյան երկրների դեսպաններին կոչ է արել դադարեցնել միջամտությունը հանրապետության ներքին գործերին։
«Ցավոք, տարօրինակ չափանիշ է դարձել, երբ դիվանագիտական ներկայացուցչություններից բոլորը ինչ-ինչ պատճառներով կարծում են, որ կարող են ազատորեն միջամտել Վրաստանի ներքին գործերին՝ չնայած իրենց նկատմամբ կիրառվող միջազգային իրավական սահմանափակումներին։
Մենք տեսնում ենք, որ օր օրի ինչ-որ անհիմն մեկնաբանություններ են արվում՝ կապված Վրաստանի, վրացական արդարադատության, Վրաստանի խորհրդարանի, կառավարության, այս խորհրդարան ընտրած բնակչության վրա հարձակումների հետ»,-լրագրողներին ասել է Պապուաշվիլին։
Նա հիշեցրել է դեսպաններին, որ նրանք ենթարկվում են դիվանագիտական հարաբերությունների մասին Վիեննայի կոնվենցիային։
«Բոլորը պետք է մնան դիվանագիտական հարաբերությունների մասին Վիեննայի կոնվենցիայի, մասնավորապես 41-րդ հոդվածի շրջանակներում, որը դիվանագիտական առաքելության ներկայացուցիչներին պարտավորեցնում է չմիջամտել ընդունող երկրի ներքին գործերին»,-ՏԱՍՍ-ի փոխանցմամբ, ընդգծել է Պապուաշվիլին։
Studio One