Թրամփն ասել է, թե ԱՄՆ ֆոնդային շուկայի անկմանը միտումնավոր չի նպաստել

ԱՄՆ նախագահ Դոնալդ Թրամփը պնդում է, որ ինքը միտումնավոր չի առաջացրել ֆոնդային շուկաների անկում, սակայն պնդում է ԱՄՆ առևտրային դեֆիցիտը վերացնելու իր նպատակը։

Համաշխարհային ֆոնդային շուկաները անկումներ գրանցեցին այն բանից հետո, երբ Թրամփը անցած շաբաթ սահմանեց սպասվածից ավելի բարձր մաքսատուրքեր՝ Ուոլ Սթրիթում ջնջելով տրիլիոնները: Ուրբաթ օրը Չինաստանը պատասխանել է ԱՄՆ-ին՝ ներմուծման 34 % մաքսատուրք սահմանելով ամերիկյան բոլոր ապրանքների համար։ Սա նշանավորեց համաշխարհային առևտրային պատերազմի սրացում:

«Ես չեմ ուզում տեսնել, որ ինչ-որ բան ընկնում է, բայց երբեմն պետք է դեղեր ընդունել՝ խնդիրները շտկելու համար», - euronews-ի փոխանցմամբ,  հանգստյան օրերին Air Force One նավի վրա ասել է Թրամփը:

«Մենք պետք է լուծենք Չինաստանի հետ առևտրի դեֆիցիտը»,- շարունակեց նա՝հավելելով «Մենք Չինաստանի հետ ունենք տրիլիոն դոլարի առևտրային դեֆիցիտ, տարեկան հարյուրավոր միլիարդավոր դոլարներ ենք կորցնում: Մինչև չլուծենք այս խնդիրը, ես գործարքի չեմ գնա»:

Թրամփը նաև ֆինանսական փոխհատուցումներ է պահանջել Եվրոպայից. «Մենք մեծ մաքսատուրքեր ենք դրել Եվրոպայի վրա: Նրանք գալիս են սեղանի շուրջ, ուզում են խոսել, բայց չենք խոսի, մինչև մեզ տարեկան մեծ գումար չվճարեն՝ ոչ միայն ներկայի, այլ անցյալի համար»: