Վերջերս ծանր դեպք ունեցանք, երբ երեխան մահացավ Հայաստանում ներերակային դեղ չլինելու պատճառով. Անուշ Պողոսյան

Հայաստանում դեղեր չլինելու պատճառով երեխաներ են մահանում, կառավարության վարած օպտիմալացման արդյունքում բնակիչների մի մասը որակյալ բուժսպասարկում է ստանում, իսկ մնացածը՝ ոչ։ Առողջապահության ոլորտում առակա խնդիրների շուրջ «Panorama-հարցազրույցների»  տաղավարում իր դիտարկումները ներկայացրեց  «Առողջության իրավունք» ՀԿ-ի նախագահ Անուշ Պողոսյանը։

Հարցազրույցում հնչեցված թեզերի երրորդ մասը՝ ստորև։

▪Մի ձևով դեղը պե՞տք է հասնի հիվանդին։ Վերջերս մենք ունեցանք մի ծանր դեպք, երբ երեխան մահացավ Հայաստանում ներերակային «Իզոնիազիդ» չլինելու պատճառով։ Բնականաբար, եթե մի տեղ այդ չգրանցված դեղը լիներ, ծնողը պետք է գնտներ և գներ այդ դեղը։

▪Այստեղ մեղադրել այդ դեղ բերողներին, սխալ է, պետք է մեղադրել պետությանը, որը բնակչությանը չի ապահովում դեղերի համապատասխան քանակով։

 ▪Պետական մարմիններն ունեն իրենց արբանյակ ներկրողները։ ՀՀ-ում ավելի քան 160 դեղ ներկրող ընկերություն կա։ Երեք միլիոն բնակչության պարագայում, 3000 անուն դեղերի առկայության դեպքում այդ քանակությամբ ներկորղներ չպետք է լինեին։ Սա նշանակում է, որ գնում կատարաղներն ունեն իրենց արբանյակային կլինիկաները, հիվանդանոցները։

 ▪Եթե ուժայինների կողմից լավ ուսումնասիրություն կատարվի, ապա կպարզեն, որ ամեն բժշկական հիմնարկի տնօրեն իր սեփական ներկրող ընկերությունն ունի։ Ինքն իր հիմնարկի համար իր սեփական ներկրող ընկերությունից գնում է և՛ դեղորայք, և՛ բժշկական պարագաներ։

▪Օպտիմալացման վատ արդյունքները մենք կտեսնենք մի քանի տարի հետո, բայց ամենավատ օրինակը մարզային ողջ առողջապահական ԲԿ-ների ենթակայության փոփոխությունն էր՝ երբ մարզպետարանի ենթակայությունից դրանք հանվեցին և բերվեցին Առողջապահության նախարարության ենթակայության տակ։

▪Պետք է բնակչի բախտը բերի ինչ-որ տեղ ծնվելու համար։ Եթե բնակչի բախտը բերել է և նա ծնվելէ քաղաքային բնակավայրում՝ օրինակ Գավառ քաղաքում, ապա նա Առողջապահության նախարարության ենթակայության լավագույն բուժսպասարկումը կստանա, բայց եթե այդ բնակիչը ծնվել է օրինակ Սարուխան գյուղում, ապա նա պետք է ստիպված օգտվի մարզպետի ենթակայության տակ գտնվող  պոլիկլինիկայից։ Այն մարզպետների, որոնք, ըստ նախարարության, չեն կարողանում որակյալ բժշկական ծառայություն կազմակերպեն։

Հարցազրույցն ամբողջությամբ՝ կցված տեսանյութում։