Գյումրու ավագանու նիստին ՔՊ-ն չի մասնակցում. Ղուկասյանը հնչեցրեց Տերունական աղոթքը

Գյումրու նոր ավագանու անդրանիկին նիստին ներկա են ավագանու 18 անդամներ։ Հայտարարվեց՝ նիստն իրավազոր է և համարվում է բացված։

ՔՊ ցուցակով առաջադրված ու ավագանու մանդատ ստացածները նիստին չեն մասնակցում։
 

Համաձայն, ՏԻՄ մասին օրենքի 64-րդ հոդվածի 1-ին մասի համաձայն, ավագանու առաջին նիստը վարում է ամենատարիքով անդամը։ Այս պարագայում ամենատարեցը Վարդան Ղուկասյանն է։

«Ամբողջ կյանքում փոքր էի, հիմա արդեն մեծացել եմ»,-արձագանքեց Ղուկասյանն ու զբաղեցրեց տեղը։

Նա առաջարկեց նիստը մեկնարկել Տերունական աղոթքով։
 

Հիշեցնենք, որ ըստ նախնական հաշվարկի, Գյումրիի ավագանու մանդատները կբախշվեն հետևյալ կերպ

«Քաղաքացիական պայմանագիր» Սարիկ Մինասյան - 14 մանդատ 

«Հայաստանի կոմունիստական կուսակցություն», Վարդան Ղուկասյան – 8 մանդատ 

«Մեր քաղաքը»,  Մարտուն Գրիգորյան - 6 մադնատ

«Իմ հզոր համայնք», Ռուբեն Մխիթարյան - 3 մանդատ

«Մայր Հայաստան», Կարեն  Սիմոնյան - 2 մանդատ։

Գյումրի համայնքի ավագանին ունի 33 մանդատ:

Գյումրիի ավագանու առաջին նիստում համայնքի ղեկավար է ընտրվում այն թեկնածուն, որն ստանում է ավագանու անդամների ընդհանուր թվի ձայների մեծամասնությունը՝ 17 ձայն։