Անթալիայում ռուս զբոսաշրջիկներ տեղափոխող ավտոբուս է վթարի ենթարկվել

Թուրքիայի Անթալիա նահանգում ռուս զբոսաշրջիկներ տեղափոխող ավտոբուսը վթարի է ենթարկվել։ «ՌԻԱ նովոստի»-ի փոխանցմամբ, այդ մասին հայտնում է IHA գործակալությունը։

«Աթալիայի օդանավակայանից ավտոբուսը դուրս է եկել 25 ռուս զբոսաշրջիկների հետ։ Մանավգաթի շրջանում վարորդը կորցրել է կառավարումը, ավտոբուսը դուրս է եկել ճանապարհի երթևեկելի հատվածից և շրջվել բանանի ջերմոցների մոտ»,-ասվում է հաղորդագրության մեջ։

Գործակալության տվյալներով՝ տուժել են վարորդը, որի անունը չի նշվում, և 18 ռուս զբոսաշրջիկ։