Այսօր Վատիկանում սկսվում է կոնկլավը ՝ նոր Հռոմի Պապի ընտրության քվեարկությունը

Վատիկանի Սիքստինյան կապելայում մեկնարկում է կոնկլավը՝ աշխարհի տարբեր երկրներից 138 կարդինալներ կընտրեն կաթոլիկ եկեղեցու նոր առաջնորդին։ Այն ընթանում է փակ դռների հետևում՝ խիստ գաղտնիության պայմաններում, կարող է օրեր տևել։

Կարդինալների որոշումը կմնա խիստ գաղտնի մինչև քվեարկության ավարտը, իսկ նոր պապը կընտրվի մեծամասնության ձայներով՝ թեկնածուն պետք է ստանա ձայների երկու երրորդը։

Կոնկլավը սկսվում է Սուրբ Պետրոսի տաճարում առավոտյան պատարագով։ Դրա ավարտը և նոր պապի ընտրությունը կհայտարարվի Սիքստինյան կապելլայի վերևում գտնվող ծխնելույզից դուրս եկող սպիտակ ծխով։

Ավելի վաղ՝ ընտրություններից առաջ, այս նպատակով մատուռի վերևում խողովակ էր տեղադրվել։

Կոնկլավի ժամանակ այցելուների համար փակ կլինեն Վատիկանի այգիները, Վիա Տրիումֆալիսի վրա գտնվող հին հռոմեական դամբարանադաշտը և Սիքստինյան կապելլան։ Դեռևս հայտնի չէ, թե երբ այն կրկին կբացվի զբոսաշրջիկների համար, քանի որ հանդիպումը կտևի այնքան ժամանակ, որքան անհրաժեշտ կլինի պապ ընտրելու համար։