Հայկ Դեմոյան. Մտածե՞լ եք, որ մի օր ձեր զավակներն ու թոռները կհարցնեն ձեզ, արդյո՞ք դահլիճ լցնող եք թելադրանքի տակ

«Ապրիլի 24-ի նախօրեին ԿԳՄՍ-ի ենթակայության տակ գտնվող կառույցներին հատուկ հրահանգվել էր կոլեկտիվներով ու խմբերով Ծիծեռնակաբերդ չբարձրանալ»,-նման գրառում է արել Հայոց Ցեղասպանության ինստիտուտ թանգարանի նախկին տնօրեն, պատմաբան Հայկ Դեմոյանը։

Նա նշում է՝ նույն տրամաբանությամբ էլ «կրթվելու» համար լիքը դահլիճ ապահովողներն են հրահանգվել:

«Չկասկածե´ք: Մտածե՞լ եք, որ մի օր ձեր զավակներն ու թոռները կհարցնեն ձեզ, արդյո՞ք դահլիճ լցնող եք եղել պահի ու թելադրանքի տակ… Ամաչե´ք այսօրվանից` նրանց աչքերին նայելով»,-գրել է նա։