ՈւԵՖԱ-ն խոստանում է շուտով փոխել խաղից դուրսի որոշման կանոնները

Մոտ ապագայում Եվրոպական ֆուտբոլային ասոցիացիաների միության (ՈՒԵՖԱ) կարող է սկսել այլ կերպ մեկնաբանել խաղից դուրս դիրքի հասկացությունը։

 «La Gazzetta Dello Sport»-ին տված հարցազրույցում կազմակերպության գլխավոր քարտուղար Ջորջիո Մարկետտին ասել է, որ  ապագայում խաղից դուրս դիրքերը որոշելիս հաշվի կառնվեն միայն մարմնի զգալի մասերը։

«Միլիմետր խաղից դուրս վիճակն անհարմարություն է ստեղծում։ Մենք դիտարկում ենք փոփոխություններ, որոնք հաշվի կառնեն միայն մարմնի կարևոր մասերը՝ մի քանի սանտիմետր տարբերության պատճառով գոլերի չեղարկումից խուսափելու համար»,- ասել է Մարկետտին

Sport.ru-ի հաղորդմամբ, բացի այդ, ՈՒԵՖԱ-ն նախատեսում է փոխել 11 մետրանոց հարվածաշարի կանոնները։