ՀՎԱԿ-ից հայտնում են՝ մայիս ամսին բրուցելոզի երկու դեպք է հաստատվել

Գեղարքունիքի մարզի Չկալովկա գյուղում շարունակվում են բրուցելիոզի դեմ բնակիչների հետազոտությունները և համաճարակաբանական բոլոր աշխատանքները։ Այս մասին Panorama.am-ին հայտնեցին Հիվանդությունների վերահսկման և կանխարգելման ազգային կենտրոնից։

«Ապրիլի ամսին մեկ բնակչի մոտ է հաստատվել բրուցելոզ, իսկ մայիս ամսին՝ երկու»,- տեղեկացրեցին ՀՎԱԿ-ից։

Հարցին, թե արդյո՞ք դեպքերը գրանցվել են Չկալովկա գյուղում, ՀԿՎԱԿ-ի խոսնակը նշեց, որ ստույգ տեղեկություն կարող են փոխանցել վաղը։

Ավելի վաղ Առողջության իրավունք ՀԿ-ի նախագահ Անուշ Պողոսյանն ահազանգեց, որ Սևան համայնքի Չկալովկա գյուղում Բրուցելյոզի բռնկում է։