Արարատի քրեական ոստիկանները բացահայտել են նախկինում կատարված գողություն

Ոստիկանության օպերատիվ կառավարման կենտրոն մայիսի 17-ին զանգահարած Արարատի մարզի Այնթապ գյուղի բնակչուհին հայտնել է, որ 2022 թվականի սեպտեմբերի 3-ից 2025 թվականի մայիսի 17-ն ընկած ժամանակահատվածում Տիգրանաշենում իրենց պատկանող տարածքից գողացել են տարբեր տեսակի կենցաղային ու շինարարական իրեր:

ՆԳ նախարարությունից հայտնում են, որ քրեական ոստիկանության Արարատի մարզային վարչության ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ նշված գողությունը կատարել է Պարույր Սևակ գյուղի բնակիչ 65-ամյա տղամարդը:

Ձեռնարկված միջոցառումների արդյունքում տղամարդը հայտնաբերվել և կազմված փաստաթղթերի հետ ներկայացվել է Վեդիի քննչական բաժին: Նա ներկայացրել է գողոնը և տվել խոստովանական ցուցմունք:

Նախաքննությամբ հանգամանքները պարզվում են: