Ամենից շատ կարդացված նյութեր
.jpg "«Ժողովուրդ». Հուլիս և սեպտեմբեր ամիսները ՔՊ-ում թեժ են լինելու")
«Ժողովուրդ» թերթը գրում է.
««Ժողովուրդ» օրաթերթի տեղեկություններով՝ «Քաղաքացիական պայմանագիր» կուսակցությունը Նիկոլ Փաշինյանի գլխավորությամբ քաղաքական ժողով կանի: Սակայն, կուսակցության քաղաքական ժողովի օրը, տեղը, անգամ օրակարգը դեռ որոշված չէ։ Ըստ «Ժողովուրդ» օրաթերթի տեղեկությունների՝ հստակ որոշված է, որ ՔՊ քաղաքական ժողովը տեղի կունենա հուլիս ամսին: Այժմ ընթանում են քննարկումներ՝ թե որն է լինելու քաղաքական ժողովի օրակարգը և հիմնական նպատակը։
Հարկ է նշել, որ սովորաբար ՔՊ քաղաքական ժողովները տեղի են ունենում Երևանից դուրս, որտեղ կուսակցության վերաբերյալ կոնկրետ որոշումներ են կայացվում գիշերային ձևաչափով նաև:
Նշենք, որ կուսակցության քաղաքական ժողովները տեղի են ունենում տարին 2 անգամ: Դրանց պարտադիր մասնակցում են ՔՊ վարչության անդամները, պատգամավորները, նախարարներ, մարզպետներ, լինում են նաև հրավիրյալներ, իսկ օրակարգը հաստատում է վարչությունը։ Ի դեպ, նշենք, որ սրան զուգահեռ՝ ՔՊ-ն պատրաստվում է կուսակցության վարչության նոր ընտրություններին, որը ՔՊ-ականների համար շատ կարևոր իրադարձություն է:
Վարչության ներկայացուցիչները մասնակցում են Նիկոլ Փաշինյանի հետ փակ քննարկումների, որտեղ կոնկրետ որոշումներ են կայացվում տարբեր անձանց և հարցերի վերաբերյալ: Հուլիս և սեպտեմբեր ամիսները ՔՊ-ում թեժ են լինելու»։
Մանրամասները թերթի այսօրվա համարում։
Studio One