Գիտնականը պարզել է, թե որ տարիքում են մարդիկ իրենց հատկապես դժբախտ զգում

Պարզվում է, որ կա որոշակի տարիք, որը կարելի է համարել դժբախտության «գագաթնակետը»։ Բրիտանացի տնտեսագետ Դեյվիդ Գ. Բլանչֆլաուերի հետազոտության համաձայն, այդ կրիտիկական տարիքը 49 տարեկանն է։ Այս արդյունքները հրապարակվել են Journal of Economic Behavior & Organization ամսագրում։

Գիտնականը հայտնաբերել է մի օրինաչափություն, որը կապված է մարդու բարեկեցության ընկալման հետ։ Շատերը հենց 49 տարեկանում են իրենց դժբախտ զգում։ Շատերի համար սա կարող է կապված լինել այսպես կոչված միջին տարիքի ճգնաժամի հետ, որը հաճախ կասկածի և վերակողմնորոշման փուլ է։

Հետաքրքիր է, որ կրիտիկական կետից հետո կյանքից բավարարվածությունը սկսում է բարելավվել, և մարդը սկսում է ավելի դրական մտածել։ Տնտեսագետի խոսքով, կյանքի այդ փուլում գտնվող մարդիկ գիտակցում են, որ հաճախ հետապնդում են անիրատեսական նպատակներ և ավելի ու ավելի են կենտրոնանում իսկապես կարևորի վրա։

Ուսումնասիրության շրջանակներում տնտեսագետը վերլուծել է մոտ 14 միլիոն մարդու տվյալներ 40 եվրոպական երկրներից, ԱՄՆ-ից և աշխարհի 168 այլ երկրներից։