Ամենից շատ կարդացված նյութեր
.jpg "Արարատի հայացքի ներքո իջա Երևան. Ֆրանսիայի ԱԳ նախարար")
«Քիչ առաջ, երբ իջնում էինք Երևան Արարատի հայացքի ներքո, մտածում էինք՝ ժամանակն էր, սիրելի Արարատ, պատասխանել ձեր հրավերին և այցելել Երևան»,- Երևանում ՀՀ ԱԳ նախարար Արարատ Միրզոյանի հետ համատեղ ասուլիսի ընթացքում ասաց Ֆրանսիայի ԱԳ նախարար Ժան-Նոել Բարոն։
Նա նշեց, որ առաջին այցն է Հայաստան, մեծ ուրախությամբ է այստեղ։
«Ուրախություն, որը նաև հուզմանալից է, որովհետև այս տարի նշում ենք Հայոց ցեղասպանության 110-րդ տարելիցը։ Նաև հպարտությամբ լեցուն ուրախություն, քանի որ մեր երկու երկրների հարաբերություններն այսքան ինտենսիվ և վստահելի չեն եղել»,- ասաց Ֆրանսիայի ԱԳ նախարարը։
Նա նշեց, որ հայկական սփյուռքը զգոն է պահում, ուղղորդում է և աջակցում։
Ժան-Նոել Բարոն հայտարարեց, որ Ֆրանսիան շարունակում է մնալ Լեռնային Ղարաբաղից տեղահանվածների, նաև Հայաստանի կողքին։
«Հարկ եմ համարում նաև նշել մեր համագործակցությունը պաշտպանական ոլորտում՝ թե՛ մասնագետների վերապատրաստումների, թե՛ զինամթերքի տրամադրումը։ Այս ամենի նպատակն է Հայաստանին հնարավորություն տալ ապահովելու երկրի պաշտպանությունն ու սուվերենությունը»,-նշեց նա:
Ֆրանսիայի ԱԳ նախարարը տեղեկացրեց, որ Գորիսում հյուպատոսություն են բացելու։
Studio One