Պուտինը Պետդումային վավերացման է ներկայացրել ԱՊՀ տարածքում անձանց հետախուզման մասին արձանագրությունը

Ռուսաստանի նախագահ Վլադիմիր Պուտինը Պետդումային է ներկայացրել դաշնային օրենքի նախագիծ, որով առաջարկվում է վավերացնել 2010 թվականի դեկտեմբերի 10-ի «Անձանց միջպետական հոտախուզման մասին» Անկախ Պետությունների Համագործակցության մասնակից պետությունների պայմանագրում փոփոխություններ կատարելու մասին արձանագրությունը։ Արձանագրությունը ներմուծում է «փաստաթղթի էլեկտրոնային պատճեն (պատկեր)» եզրույթը։ Համապատասխան նախագիծը տեղադրվել է Դումայի էլեկտրոնային տվյալների բազայում։

«Դաշնային օրենքի նախագծով առաջարկվում է վավերացնել 2024 թվականի հոկտեմբերի 8-ին Մոսկվայում ստորագրված 2010 թվականի դեկտեմբերի 10-ի «Անձանց միջպետական հետախուզման մասին Անկախ Պետությունների Համագործակցության անդամ պետությունների պայմանագրում փոփոխություններ կատարելու մասին» արձանագրությունը», -ասվում է նախագծի բացատրական գրառման մեջ։

Նշվում է, որ արձանագրությունը ներմուծում է «փաստաթղթի էլեկտրոնային պատճեն (պատկեր)» եզրույթը, որը հասկացվում է որպես փաստաթղթի թղթի վրա պատճեն, որը սկանավորման (լուսանկարչության) գործիքների միջոցով վերածվել է էլեկտրոնային ձևի։

«Արձանագրությունը նախատեսում է փաստաթղթի նշված էլեկտրոնային պատճենի (պատկերի) տեսքով հարցում ուղարկելու հնարավորություն գերատեսչական էլեկտրոնային փոստի ծառայությունների միջոցով՝ հետագայում (անհրաժեշտության դեպքում) բնօրինակը ուղարկելով»,-հավելվում է փաստաթղթում։