«Լոկոմոտիվը» հայտարարել է՝ չի գնելու Սևիկյանին «Ֆերենցվարոշից»

«Լոկոմոտիվի» մարզական տնօրեն Դմիտրի Ուլյանովը պատասխանել է կիսապաշտպան Էդգար Սևիկյանի ապագայի վերաբերյալ հարցին։

Հարցին՝ տեղեկություններ կան, որ «Լոկոմոտիվը» չի գնի Սևիկյանին «Ֆերենցվարոշից», արդյո՞ք դա ճիշտ է։

sport-express.ru-ի հաղորդմամբ, Ուլյանովը պատասխանել է. «Ակումբը չի գնի Սևիկյանին։ Եվ առայժմ չի երկարաձգի նաև վարձակալության ժամկետը։ Նա մեկնում է ազգային հավաքական, որից հետո չի վերադառնա «Լոկոմոտիվ»»։

Այս մրցաշրջանում Սևիկյանը «Լոկոմոտիվի» կազմում անցկացրել է 20 խաղ և կատարել չորս գոլային փոխանցում։ Նրա պայմանագիրը «Ֆերենցվարոշի» հետ ուժի մեջ է մինչև 2028 թվականի հունիսի 30-ը։

Transfermarkt պորտալը հայ կիսապաշտպանի շուկայական արժեքը գնահատում է 2.5 միլիոն եվրո։