Պուտինը շնորհավորել է Փաշինյանին

Ռուսաստանի նախագահ Վլադիմիր Պուտինը շնորհավորել է Նիկոլ Փաշինյանին Եվրասիական տնտեսական միության օրվա առթիվ։ Կրեմլի կայքից տեղեկանում ենք, որ Պուտինն ուղերձներ է հղել նաև Բելառուսի, Ղազախստանի և Ղրղզստանի նախագահներին:

Ուղեձում ասվում է. 

«Եվրասիական տնտեսական միության շրջանակներում ինտեգրացիոն գործընթացները զարգանում են շատ դինամիկ և արդյունավետ։ Ստեղծվել է ընդհանուր շուկա, որն ապահովում է ապրանքների, ծառայությունների, կապիտալի և աշխատուժի ազատ տեղաշարժը։ Ընթացքի մեջ է մտնում ազգային իրավակարգավորման համակարգերի ներդաշնակեցումը կարևորագույն ոլորտներում, հաջողությամբ իրականացվում են համատեղ տնտեսական և ենթակառուցվածքային նախագծեր։

Վստահ եմ, որ մենք կշարունակենք կառուցել կառուցողական բազմակողմ համագործակցություն բոլոր հնարավոր ձևերով՝ մեր ժողովուրդների բարօրության, Եվրասիական տարածքում բարեկեցության և կայունության ապահովման շահերից ելնելով։

Մաղթում եմ Ձեզ առողջություն և հաջողություններ, իսկ Ձեր բոլոր հայրենակիցներին՝ երջանկություն և բարգավաճում»։