Մարդիկ իրենց ապրածի կեսի չափով այսօր ավելի լավ են ապրում, բայց սա չի նշանակում, որ նրանք գոհ են իրենց կյանքից. Նիկոլ Փաշինյան

«Բյուջեն նաև թվային տեքստ է, որը պատմում է մեր իրականության, հաջողությունների  և ձախողումների, մարտահրավերների ու հնարավորությունների մասին»- ԱԺ մշտական հանձնաժողովների համատեղ նիստում ներկայացնելով 2024 թվականի պետական բյուջեի կատարողականը՝ ասաց Նիկոլ Փաշինյանը։

Նրա խոսով՝ 2025 թ. ապրիլին Հայաստանում  վճարվող գրանցված աշխատատեղերի թիվը եղել է 783 547 և 2018 թվականից հետո, ըստ նրա, բացվել են 242 119 աշխատատեղեր՝ աշխատավարձով ապահովված։

Ներկայացնելով միջին աշխատավարձերի աճը և գնաճի տարբերությունը՝ Փաշինյանը հայտարարեց. «Մարդիակ Հայաստանում ավելի լավ են ապրում նաև գնաճի հաշվարկով և ավելի լավ են ապրում 50 %-ով։ Այսինքը, իրենց ապրածի կեսի չափով ավելի լավ են ապրում։ Սա չի նշանակում, որ մարդիկ գոհ են իրենց կյանքից»։

Նկատելով, որ կրկնապատկված աշխատավարձային ֆոնդի մեջ մեծ են 3-4 մլն դրամ աշխատավարձ ստացողները՝ Նիկոլ Փաշինյանն ասաց. «Բարձր աշխատավարձ՝ հիմնականում 80-90%-ով ստացել են մարդիկ, ովքեր ստացել են մրցունակ կրթություն, ցածր աշխատավարձ՝ ովքեր չեն ստացել մրցունակ կրթություն, հիմնականում՝ 80-90%»։