Իրան-Իսրայել ռազմական գործողություններ-վերջին զարգացումները

Իսրայելը հարվածներ է հասցրել Իրանում գտնվող թիրախներին «Ծագող առյուծ» գործողության շրջանակներում: Ի պատասխան՝ Իսլամական Հանրապետությունը հարյուրավոր բալիստիկ հրթիռներ է արձակել: Թեհրանը գործողությունն անվանել է «Ճշմարիտ խոստում 3»:

Ժամը 00:21-ի դրությամբ՝ ժամի գլխավոր նորությունները.

ՄԱԿ-ում Իրանի մշտական ​​ներկայացուցիչը Իսրայելի ագրեսիան անվանել է պատերազմի հայտարարություն:

ԻՀՊԿ-ն հայտարարել է «Ճշմարիտ խոստում 3» գործողության մեկնարկի մասին, որից հետո Իսրայելի ուղղությամբ արձակվել են տասնյակ անօդաչու թռչող սարքեր և բալիստիկ հրթիռներ:

Իսրայելական լրատվամիջոցները հաղորդում են տասնյակ զոհերի մասին:

CNN-ը, հղում անելով անանուն բարձրաստիճան իրանցի պաշտոնյայի, հաղորդում է, որ Թեհրանը կհարվածի Իսրայելին պաշտպանող ցանկացած երկրի բազաներին:

Իրանի արտաքին գործերի նախարարությունը, ԱՄՆ նախագահի՝ Իսրայելի պաշտպանության բանակի գործողությանը աջակցելու մասին խոսքերի ֆոնին, հայտարարել է, որ Միացյալ Նահանգները անիմաստ է դարձրել Թեհրանի միջուկային ծրագրի շուրջ բանակցությունները:

Իրանը պլանավորում է հարվածել Մերձավոր Արևելքում գտնվող ամերիկյան բազաներին, հաղորդում է Fars-ը՝ հղում անելով ռազմական հրամանատարության ծրագրերին ծանոթ աղբյուրին:

Իսրայելական հարձակման արդյունքում զոհվել են Իրանի զինված ուժերի գլխավոր շտաբի երկու տեղակալներ:

Թեհրանում բնակելի շենքի վրա Իսրայելի պաշտպանության բանակի հարվածի հետևանքով զոհվել է 60 մարդ, այդ թվում՝ 20 երեխա, հաղորդում է Իրանի պետական ​​հեռուստատեսությունը։

Իսրայելը որոշել է ընդլայնել իր ռազմական գործողությունները Իրանի միջուկային ծրագրի դեմ։

Mehr-ը հաղորդում է, որ Թեհրանը պաշտոնապես հայտարարել է ԱՄՆ-ին, Ֆրանսիային և Մեծ Բրիտանիային, որ ավելի լայնածավալ հարվածներ կհասցնի Իսրայելի տարածքում։

Ըստ այդ տեղեկատվության՝ Իրանը զգուշացրել է Արևմտյան երկրներին, որ եթե նրանք օգնեն Իսրայելին, Մերձավոր Արևելքում գտնվող իրենց օբյեկտները կդառնան հարձակումների թիրախ։

Իսրայելի պաշտպանության բանակը հայտարարել է միջուկային ծրագրի մշակմանը մասնակցող ինը իրանցի գիտնականների և փորձագետների վերացման մասին։ Հաղորդում է «ՌԻԱ նովոստի»-ն;

06:47

Իրանը հարվածել է Վեյցմանի ինստիտուտին՝ ի պատասխան Իսրայելի կողմից իրանցի գիտնականների սպանության, հաղորդում է Fars-ը։

06:42

Իրանի հարձակումից հետո Թել Ավիվի մոտ գտնվող Բաթ Յամում զոհերի թիվը հասել է 4-ի, հաղորդում է Ynet-ը։

06:25

Ynet. Մոտ 35 մարդ անհետ կորած է համարվում իսրայելական Բաթ Յամի վրա Իրանի հարվածներից հետո։

06:04

ՄԱԿ-ում Իսրայելի դեսպանը կոչ է անում միջազգային հանրությանը դատապարտել Իրանի գիշերային հրթիռային հարձակումը, որի հետևանքով քաղաքացիական բնակչության շրջանում զոհեր եղան։

05:37

Իրանի դեմ Իսրայելի ռազմական գործողությունների տևողությունը կախված է նրանից, թե ինչպես կարձագանքի դրան Թեհրանը, հաղորդում է CNN-ը՝ հղում անելով իսրայելցի պաշտոնյայի։

05:36

Իսրայելի դեմ ռազմական գործողությունները կարող են տևել շաբաթներ, այլ ոչ թե օրեր. ԱՄՆ-ն չի առարկել նման ժամկետի դեմ, հաղորդում է CNN-ը՝ հղում անելով ամերիկացի և իսրայելցի պաշտոնյաներին։

05:17

NYT. Թել Ավիվի մոտ գտնվող Վեյցմանի ինստիտուտը վնասվել է Իսրայելի վրա Իրանի հարվածներից հետո։

05:14

Իսրայելի Բատ Յամ քաղաքում բնակելի շենքը, որը վնասվել է իրանական հրթիռային հարվածից, փլուզման վտանգի տակ է, հաղորդում է Times of Israel-ը՝ հղում անելով փրկարարներին։

05:04

Times of Israel. Իսրայելի Բաթ Յամում և Ռեհովոտում Իրանի գիշերային հարձակման հետևանքով զոհերի թիվը գերազանցել է 130-ը։

04:49

Իրանի հարձակման հետևանքով Թել Ավիվի մոտ գտնվող Բաթ Յամում զոհերի թիվը հասել է երեքի, հայտնում է Ynet պորտալը՝ հղում անելով ոստիկանությանը։

04:32

Իրանի կողմից Իսրայելի վրա հարձակումներից հետո Բաթ Յամ (Թել Ավիվի հարևանությամբ) և Ռեհովոտ քաղաքներում վիրավորվել է ավելի քան 100 մարդ, հաղորդում է Ynet-ը՝ հղում անելով բժիշկներին։