Իրանում պատերազմական գործողությունների ընթացքում արդյոք կան զոհված կամ վիրավոր հայեր, ինֆորմացիա չկա․ Դեսպան

«Մենք չունենք տվյալներ, որ Իրանից Հայաստան քաղաքացիներ տեղափոխված լինեն, բայց  ունենք մեծ թվով քաղաքացիներ, որոնք  Ռուսաստան և Թուրքիա են  այցելել։ Հաշվի առնելով, որ Իրանը և Հայաստանն ունեն ընդհանուր սահմաններ, օգնել ենք այդ քաղաքացիներին մուտք գործել երկիր»,- Երևանում լրագրողների հետ հանդիպման ընթացքում ասաց Հայաստանում Իրանի արտակարգ և լիազոր դեսպան Մեհդի Սոբհանին՝ պատասխանելով հարցին, թե որքան քաղաքացի է Իրանից եկել Հայաստան։

Անդրադառնալով հացին, թե արդյոք Իրանում այս պատերազմի ընթացքում զոհվել կամ վիրավորվել են արդյոք հայեր, դեսպանն ասաց․  «Նման ինֆորմացիա թերևս արձանագրված չէ։ Ինչ վերաբերվում է  միջուկային օբյեկտների հարձակման հետևանքով  ճառագայթման տարածման մասին լուրին, ապա պետք է նշեմ, որ մենք նման ինֆորմացիա չունենք։

«Անգամ գործակալությունը  նման զեկույցով հանդես չի եկել։ Նաթարզի այդ միջուկային օբյեկտը, որը թիրախ է դարձել, Հայաստանից շատ հեռու է, մի՛ մտահոգվեք այդ մասին»,- ասաց նա։ 

Դեսպանը նաև հայտնեց, որ  Հայաստանից Իրան ուղղությամբ են աշխատանքներ տանում քաղաքացիների տեղափոխման առումով։

«Հաշվի առնելով չվերթների րեղարկումը , մենք փորձում ենք փաստորեն կազմակերպչական աշխատանքներ իր իրականացնել քաղաքացիներին է Իրան փոխադրելու հարցում»,- ասաց նա։