«Հրապարակ». Փաշինյանն իր մոտ կանչեց Հայկ Կոնջորյանին և ինչ-որ հրահանգներ տվեց, որից հետո Սամվել Կարապետյանին նվիրեցին հայտարարությունների ժամը

«Հրապարակ» թերթը գրում է.

«Սամվել Կարապետյանի՝ Եկեղեցուն պաշտպանող հայտարարությունից շատ չանցած՝ նկատեցինք, որ ԱԺ դահլիճում բյուջեի քննարկմանը հետևող Նիկոլ Փաշինյանն իր մոտ կանչեց ՔՊ խմբակցության ղեկավար Հայկ Կոնջորյանին և ինչ-որ հրահանգներ տվեց: Ապա Կոնջորյանը ելույթ ունեցավ ամբիոնից՝ ՀԷՑ-ին ուղղված սպառնալից հայտարարություններ անելով, իսկ ՔՊ-ական մի շարք պատգամավորներ Եկեղեցուն և նրա բարերար Սամվել Կարապետյանին նվիրեցին հայտարարությունների ժամը։ Նշենք, որ այս նստաշրջանի վերջին հերթական նիստերը երեկ են մեկնարկել և կարող են երկու շաբաթ ձգվել՝ օրակարգի ընդարձակ լինելու պատճառով։ Պատգամավորները, սակայն, այս փորձությամբ չեն պրծնելու, արտահերթ նիստեր էլ են հրավիրվելու»։

Մանրամասները թերթի այսօրվա համարում։