Ռուսաստանում սկսվել են քաղցկեղի դեմ պատվաստանյութի կլինիկական փորձարկումները

Ռուսաստանում սկսվել են ռուսական Enteromix քաղցկեղի դեմ պատվաստանյութի կլինիկական փորձարկումները։ Այդ մասին «ՌԻԱ նովոստի»-ին հայտնել է ՌԴ առողջապահության նախարարության գլխավոր ուռուցքաբան Անդրեյ Կապրինը՝ Սանկտ Պետերբուրգի միջազգային տնտեսական ֆորումի ժամանակ։

Նրա խոսքով, փորձարկումներն անցկացվում են Ռադիոլոգիայի ազգային բժշկական գիտահետազոտական ​​կենտրոնում, որն առաջինն է թույլտվություն ստացել բաց, մեկ կենտրոնով կլինիկական փորձարկման առաջին փուլն անցկացնելու համար։

Փորձարկումներին կմասնակցի 48 կամավոր։ Կապրինը նշել է, որ դեղամիջոցի տոկսիկությունը նվազագույն է, ինչը անվտանգության կարևոր ցուցանիշ է։

Նա նաև հիշեցրել է, որ 2023 թվականին աշխարհում գրանցվել է ուռուցքաբանական 25 նոր դեղամիջոց: Ռուսաստանը նույնպես ակտիվորեն զարգացնում է այս ոլորտը։ Երկրում մշակվում են քաղցկեղի մի քանի պատվաստանյութեր, այդ թվում՝ Enteromix-ը, որը ստեղծվել է Ռադիոլոգիայի ազգային բժշկական հետազոտական ​​կենտրոնի և ՌԳԱ Էնգելհարդտի մոլեկուլային կենսաբանության ինստիտուտի մասնագետների կողմից: Աշխատանքներ են տարվում նաև անհատականացված mRNA պատվաստանյութի վրա՝ Ռադիոլոգիայի ազգային բժշկական հետազոտական ​​կենտրոնի և Գամալեայի ազգային հետազոտական ​​կենտրոնի համատեղ նախագիծը, եզրափակեց գիտնականը: