Արաղչին մեկնել է Մոսկվա. Նա Պուտինին կհանձնի Ալի Խամենեիի նամակը

Իրանի գերագույն առաջնորդը երկուշաբթի օրն իր արտաքին գործերի նախարարին ուղարկել է Մոսկվա։ Այս մասին գրում է  «Ռոյթերզ» գործակալությունն ու մանրամասնում, որ Արաղչին դիմելու է Վլադիմիր Պուտինին՝ ավելի շատ օգնություն խնդրելու Ռուսաստանից՝ 1979 թվականի հեղափոխությունից ի վեր Իսլամական Հանրապետության դեմ ԱՄՆ-ի կողմից իրականացված ամենամեծ ռազմական գործողությունից հետո, որը տեղի ունեցավ շաբաթավերջին։

«ԱՄՆ նախագահ Դոնալդ Թրամփը և Իսրայելը հրապարակավ ենթադրություններ են արել գերագույն առաջնորդ այաթոլլա Ալի Խամենեիի սպանության և ռեժիմի փոփոխության մասին, մի քայլ, որը, ըստ Ռուսաստանի, կարող է Մերձավոր Արևելքը խորտակել անդունդում»,-գրում է աղբյուրը։

Պուտինը դատապարտել է Իսրայելի հարվածները,  սակայն դեռևս չի մեկնաբանել ԱՄՆ-ի կողմից Իրանի միջուկային օբյեկտների վրա հարձակումները, չնայած անցյալ շաբաթ նա կոչ է արել հանգստության և առաջարկել Մոսկվայի ծառայությունները որպես միջնորդ միջուկային ծրագրի հարցում։

Բարձրաստիճան աղբյուրը «Ռոյթերզ»-ին հայտնել է, որ Իրանի արտաքին գործերի նախարար Աբբաս Արաքչին պետք է Պուտինին փոխանցի Խամենեիի նամակը՝ վերջինիս աջակցությունը ստանալու համար։ Իրանական աղբյուրները «Ռոյթերս»-ին հայտնել են, որ Իրանը մինչ այժմ տպավորված չէ Ռուսաստանի աջակցությամբ, և երկիրը ցանկանում է, որ Պուտինը ավելին անի՝ իրեն Իսրայելի և Միացյալ Նահանգների դեմ պաշտպանելու համար։ Աղբյուրները չեն մանրամասնել, թե ինչ օգնություն է Թեհրանը ցանկանում։