43-ամյա կինը ձերբակալվել է թմրանյութ տեղադրելու պահին

Համայնքային ոստիկանության Մարաշի բաժնի ծառայողներն օրեր առաջ ստացել են օպերատիվ տեղեկություն, որ Նորքի Այգիներում մի կին պատրաստվում է թմրանյութով փաթեթներ տեղադրել։

Հունիսի 24-ին ժամը 13.40-ին Նորքի Այգիներում հենց թմրանյութ տեղադրելու պահին մայրաքաղաքի Աբովյան փողոցի բնակիչ 43-ամյա կինը ձերբակալվեց և տեղափոխվեց բաժին:

Նրա խուզարկությամբ հայտնաբերված շինարարական ձեռնոցում կար զիպ փականով 40 փաթեթ` տարբեր քաշերի մարիխուանա տեսակի թմրանյութի նմանվող դեղնականաչավուն զանգվածներով: Դրանց ընդհանուր քաշը մոտ 65 գրամ էր։ Կազմված փաստաթղթերը փոխանցվել են քննչական բաժին։
Նախաձեռնվել է քրեական վարույթ։ Հանգամանքները պարզվում են: