Ամենից շատ կարդացված նյութեր
.png "Եկատերինբուրգում մահացած Սաֆարով եղբայրների մարմինները տեղափոխվել են Ադրբեջան՝ կրկնակի փորձաքննության")
Եկատերինբուրգում մահացած Սաֆարով եղբայրների մարմինները տեղափոխվել են Ադրբեջան՝ կրկնակի փորձաքննության
Եկատերինբուրգում ռուսական անվտանգության ուժերի կողմից իրականացված գործողությունների ժամանակ մահացած Զիյադդին և Հուսեյն Սաֆարով եղբայրների մարմինները տեղափոխվել են Ադրբեջան։
Սաֆարով եղբայրների մարմիններով ինքնաթիռը վայրէջք է կատարել Հեյդար Ալիևի անվան օդանավակայանում։ Համապատասխան ընթացակարգերից հետո մահացածների մարմինները կհանձնվեն ընտանիքի անդամներին։
Զիյադդին և Հուսեյն Սաֆարովների մարմինները կուղարկվեն երկրորդ դատաբժշկական փորձաքննության, լրագրողներին ասել է նրանց եղբայր Սեյֆեդդին Հուսեյնլին։ Նրա խոսքով՝ ընտանիքը չի վստահում Ռուսաստանում անցկացված փորձաքննության արդյունքներին։ «Այն վարկածը, որ իմ եղբայրները, իբր, մահացել են «հուզմունքից», բացարձակապես համոզիչ չէ»,-ասել է նա։
Հիշեցնենք, որ հունիսի 27-ի առավոտյան ռուսական անվտանգության ուժերը գործողություններ են իրականացրել Եկատերինբուրգի տարբեր հասցեներում, որտեղ բնակվում են Սաֆարով ընտանիքի անդամները։ Գործողության ընթացքում եղբայրներ Հուսեյն և Զիյադդին Սաֆարովները մահացու ծեծի են ենթարկվել, իսկ մի քանի մարդ, այդ թվում՝ սպանված տղամարդկանց եղբայր Բեքիր Սաֆարովը, ստացել են տարբեր ծանրության մարմնական վնասվածքներ։
Studio One