Փաշինյանը տարված է հալածելու մոլուցքով. Զատուլին

«Փաշինյանը տարված է հալածելու մոլուցքով, ինչը բոլորովին էլ տարօրինակ չէ՝ հաշվի առնելով, թե որքան շատ բան է նա արել»,-MK-ին տված հարցազրույցում նման կարծիք է հայտնել ՌԴ պետդումայի պատգամավոր Կոնստանտին Զատուլինը։

Նա նշել է՝ մարդը, ով այդքան դժվարություններ է բերել հայ ժողովրդին, չի կարող չմտահոգվել իր ապագայի համար։

«Կանխելու համար իր վատագույն ճակատագիրը նա փորձում է հարվածներ հասցնել նրանց, ում համարում է իր թշնամիներ, և ովքեր, նրա համոզմամբ, համակրանք են վայելում Ռուսաստանում։ Ընդ որում, նրա համար Ռուսաստանը միշտ ամեն ինչում մեղավոր է»,-ասել է Զատուլինը։

Ռուսաստանցի գործիչը նշել է՝ Փաշինյանն իր բոլոր հակառակորդներին խամաճիկներ է որակում։

«Մինչև հիմա նա այդպես է որակել նախագահներ Քոչարյանին և Սարգսյանին անվանել է նրանց անունով։ Այն բանից հետո, երբ նրա նախկին հովանավորը՝ Հայաստանի առաջին նախագահ Լևոն Տեր-Պետրոսյանը, միացավ եկեղեցու դեմ նրա հարձակումների դատապարտմանը,  հանդիպեց  Կաթողիկոսին, Փաշինյանը անմիջապես սոցիալական ցանցերում հայտարարեց, որ Լևոնը նույնպես «խամաճիկ» է, որը ճանապարհ է հարթել այլ խամաճիկների համար։ Ուղիղ չի նշվում, թե ում խամաճիկներն են նրանք, բայց պարզ է, որ ռուսական։ Թեև Տեր-Պետրոսյանին, որը իշխանության եկավ վերակառուցման ալիքի վրա և հռչակեց Հայաստանի անկախությունը, Կրեմլի գործակալ համարելու համար պետք է վառ երևակայություն ունենալ։ Փաշինյանի կողմնակիցները պետք է վերընտրվեն հաջորդ տարվա հունիսին կայանալիք ընտրություններում։ Այս ամենը սրա համար է»,-նշել է նա։