Փարիզում 102 տարվա արգելքից հետո առաջին անգամ թույլատրվել է լողալ Սեն գետում

Մեկ դար տևած արգելքից հետո Փարիզի Սեն գետը վերաբացվել է որպես հանրային լողափ: 1988 թվականից ի վեր, երբ Ֆրանսիայի նախկին նախագահ Ժակ Շիրակն առաջին անգամ խոստացել էր վերականգնել Սենում լողը, աստիճանաբար ջանքեր են գործադրվել գետի մաքրման համար: BBC-ն հաղորդում է, որ անցյալ ամռանը Օլիմպիական խաղերից առաջ Սենը մաքրելու համար ներդրվել է ավելի քան 1.4 միլիարդ եվրո:

Փարիզի Սեն գետում թույլատրվում է լողալ 1923 թվականից ի վեր առաջին անգամ՝ ավելի քան 100 տարի անց։

Շաբաթ առավոտյան, տեղական ժամանակով ժամը 08:00-ին, մի քանի տասնյակ մարդ նախապես գնացել էին ու ցատկել ջուրն այն պահին, երբ թույլատրվել է։

Սեն գետում լողալն արգելված է 1923 թվականից՝ բեռնանավերի և զվարճանքի նավերի կողմից ներկայացվող վտանգի, ինչպես նաև ջրի որակի արագ վատթարացման պատճառով, չնայած գետի վրայով ամենամյա Սուրբ Ծննդյան լողի մրցույթը շարունակվել է մինչև Երկրորդ համաշխարհային պատերազմը։