ՖԻԴԵ-ի աշխարհի գավաթի երկրորդ փուլի առաջին պարտիայում Լիլիթ Մկրտչյանը հաղթել է, Էլինա Դանիելյանը ոչ-ոքի է խաղացել

ՖԻԴԵ-ի կանանց աշխարհի գավաթի երկրորդ փուլի առաջին պարտիայում Լիլիթ Մկրտչյանը սև խաղաքարերով հաղթել է Լեհաստանը ներկայացնող Ալեքսանդրա Մալցևսկայային:

Էլինա Դանիելյանը ոչ-ոքի է խաղացել Բուլղարիան ներկայացնող Անտոանետա Ստեֆանովայի հետ:

Մրցաշարը անցկացվում է նոկաուտ ձևաչափով: Յուրաքանչյուր փուլում մասնակիցները խաղում են երկու դասական պարտիա: Եթե հաշիվը լինի 1:1, հաղթողը կորոշվի արագ և կայծակնային շախմատի թայ-բրեյքում:

Երկրորդ փուլի երկրորդ պարտիան կմեկնարկի հուլիսի 10-ին՝ ժամը 15:00-ին: