Շանը մեքենայի հետևը կապած ու քարշ տված Բյուրեղավանի 62-ամյա բնակիչը հայտնաբերվել և ձերբակալվել է

ՆԳՆ ոստիկանությունն արձագանքել է համացանցում տարածված տեսանյութին, թե ինչպես է մի տղամարդ շանը կապել իր մեքենայի հետևից ու քարշ է տալիս։

«Համացանցում տեսանյութ էր տարածվել, թե ինչպես է մի տղամարդ շանը կապած մեքենային վարում՝ կենդանու նկատմամբ ցուցաբերելով դաժան վերաբերմունք։

Համայնքային ոստիկանության Կոտայքի բաժնի ծառայողները պարզել են վարորդի ինքնությունը։ Բյուրեղավանի 62-ամյա բնակիչը հայտնաբերվել, ձերբակալվել և մեքենայով հանդերձ տեղափոխվել է ՆԳՆ ոստիկանություն։

Հիշեցնենք, որ կենդանիների նկատմամբ դաժան վերաբերմունքը քրեորեն դատապարտելի արարք է և յուրաքանչյուր դեպք առաջացնելու է իրավական հետևանքներ»,- հայտնել է ՆԳՆ խոսնակ Նարեկ Սարգսյանը։