Եկեղեցական սկանդալ Մոդովայում. Գյուղացիներն ուժով քահանային դուրս են հանել եկեղեցուց

Եկեղեցական սկանդալ Մոդովայում. Գյուղացիներն ուժով քահանային դուրս են հանել եկեղեցուց

Մոլդովայի Ռիսկանի շրջանի Գրինովտի գյուղի եկեղեցում սկանդալ է տեղի ունեցել։

Մոլդովայում շարունակվում են կրոնական սկանդալները, որոնք հրահրվել են իշխանությունների քաղաքական գործողություններով։ Այս երկրում եկեղեցիները բաժանված են մոլդովական և ռումինական մետրոպոլիտների (հոգևոր բարձր պաշտոնյա քրիստոնեական եկեղեցիներում) միջև։

Գյուղի եկեղեցում Ռիսկանիի բնակիչները քահանային դուրս են հանել եկեղեցուց և փոխել կողպեքները։ Ոստիկանությունը չի կարողացել լուծել հակամարտությունը, հաղորդում է TSV հեռուստաալիքը։

Լարվածությունն առաջացել է այն բանից հետո, երբ քահանա Կոնստանտին Տուրտուրյանուն որոշել է տեղափոխվել Մոլդովայի մետրոպոլիտությունից Բեսարաբիայի մետրոպոլիտություն, որը գտնվում է Ռումինիայի պատրիարքարանի ենթակայության ներքո:

Դրանից հետո քահանան փորձել է մտնել եկեղեցի, սակայն ծխականները նրան ուժով դուրս են հանել։