Լավրով. Պատմության մեջ առաջին անգամ Ռուսաստանը միայնակ է պայքարում ամբողջ Արևմուտքի դեմ

Պատմության մեջ առաջին անգամ Ռուսաստանը միայնակ է պայքարում Արևմուտքի դեմ, որը չի կարող հրաժարվել իր գերիշխանությունից։ Վեստի.ռու-ի հաղորդմամբ, հայտարարել է Ռուսաստանի արտաքին գործերի նախարար Սերգեյ Լավրովը։

Նա հաղթանակը անվանել է Ռուսաստանի գլխավոր խնդիրը։

«Մենք շատ անելիքներ ունենք։ Գլխավորը՝ թշնամուն հաղթելն է։ Պատմության մեջ առաջին անգամ Ռուսաստանը միայնակ է պայքարում ամբողջ Արևմուտքի դեմ», - ասել է Լավրովը։

Լավրովը հիշեցրել է, որ Առաջին և Երկրորդ համաշխարհային պատերազմների ժամանակ Ռուսաստանը դաշնակիցներ ուներ, բայց հիմա այն մենակ է մնացել մարտադաշտում և կարող է հույսը դնել միայն իր վրա։