«Զվարթնոց» են ժամանել թատերա-կրկեսային նախագծի ավելի քան 150 մասնակից Երևանի կրկեսի բացման համար

«Բազմաթիվ անգամներ եմ եղել Հայաստանում՝ 80-ականներից սկսած և իմ տպավորությունները նույնն են՝ շատ լավ»,-«Զվարթնոց օդանավակայանում ասաց «Cirque du Soleil» և «Show»-ի բալետմայստեր, ռեժիսոր և սցենարիստ Պավել Բրյուն:

Հիշեցնենք, որ Երևան են ժամանել մասշտաբային թատերա-կրկեսային նախագծի ավելի քան 150 մասնակիցներից բաղկացած միջազգային թիմը։ Ներկայացումը կցուցադրվի Երևանի նորոգված կրկեսի բացմանը։

Բրյուն նշեց, որ իր առաջին տպավորությունները հայկական կրկեսի մասին ստացել է 1973 թվականին, երբ հետևել է Լիոնիդ Ենգիբարյանի, Զավեն Մարտիրոսյանին, որպես օղակների վարպետ

Ռեժիսորը չպարզաբանեց, թե ինչ ծրագիր են պատրաստելու մինչև սեպտերմբեր, երբ տեղի կունենա կրկեսի բացումը, որովհետև պետք է անակնկալ պահեն հանդիսատեսի և լրագրողների համար, բայց նշեց, որ անկեղծ է լինելու երեխաների հետ։