Իրանի խորհրդարանի պատգամավորը կարևորել է «Զանգեզուրի միջանցքի» դեմ դիվանագիտական պայքարը

Իրանի Խորհրդարանի Ազգային անվտանգության և արտաքին քաղաքականության կոմիտեի անդամ Հայաթ Մողադամը «Թաբնակ»-ի խորհրդարանական թղթակցի հետ զրույցում խոսել է Ադրբեջանի, Իսրայելի և ԱՄՆ-ի հետ վերջերս տեղի ունեցած համագործակցության, երկրի բանտերում իրանցի բանտարկյալների հետապնդումների և Իրանի ազգային շահերին սպառնացող վիճահարույց «Զանգեզուրի միջանցքի» նախագծի մասին:

Հայաթ Մողադամը նաև զգուշացրել է վիճահարույց «Զանգեզուրի միջանցքի» նախագծի մասին, որը Ադրբեջանի Հանրապետությունը փորձում է մեկնարկել ԱՄՆ-ի և Իսրայելի աջակցությամբ՝ ասելով, որ այդ նախագիծը, Թուրքիայի և Հայաստանի աջակցությունը ստանալուց հետո, կարող է ուղղակի սպառնալիք դառնալ տարածաշրջանային անվտանգության և Իրանի շահերի համար։

«Կառավարությունը պետք է ակտիվ դիվանագիտության միջոցով կանխի թշնամիների կողմից իրենց նպատակներին հասնելը»,-ասել է նա։

Պատգամավորը հայտարարել է. «Զանգեզուրի միջանցքի մեկնարկի հարցը դեռևս լուծված չէ, բայց ամերիկացիները ուշադիր հետևում են դրան և փորձում են այս նախագիծը հնարավորինս արագ իրականացնել։ Խորհրդարանը օգտագործեց իր ողջ լիազորությունները՝ դա կանխելու համար, բայց գլխավոր դերը պատկանում է կառավարությանը, որը պետք է կանխի նման նպատակների իրականացումը ակտիվ դիվանագիտության միջոցով»։