Փաշինյանը զիջել է Հայաստանի գրեթե բոլոր շահերը. Փորձագետ

Նիկոլ Փաշինյանը զիջել է իր երկրի գրեթե բոլոր շահերը և կարող է զիջել մնացածը։ Այդ մասին «ՌԻԱ Նովոստի»-ին ասել է Հումանիտար և քաղաքական հետազոտությունների միջազգային ինստիտուտի փորձագետ Վլադիմիր Բրուտերը՝ ԱՄՆ-ում Հայաստանի և Ադրբեջանի ղեկավարության նախատեսված հանդիպումից առաջ։

Այս շաբաթ սպասվում է, որ Ադրբեջանի և Հայաստանի առաջնորդներ Իլհամ Ալիևը և Նիկոլ Փաշինյանը կայցելեն Վաշինգտոն՝ նախագահ Դոնալդ Թրամփի հետ հանդիպելու համար։ The Washington Post-ը, հղում անելով աղբյուրներին, հայտնել է, որ այցի ընթացքում Բաքուն և Երևանը կարող են հայտարարել խաղաղության համաձայնագրի մասին։

«Տեսականորեն Փաշինյանը կարող է զիջել Զանգեզուրի միջանցքը, բայց գործնականում, ինչպես իմ անվանակիցն էր ասում՝ «մաքսանենգությունը արհեստ է»։ Հեղափոխությունը նույնպես արհեստ է։ Մենք երաշխիքներ չունենք, որ այն տեղի չի ունենա։ Փաշինյանն արդեն զիջել է գրեթե ամեն ինչ (իր շահերից) և կարող է զիջել մնացածը»,-ասել է Բրուտերը։

Նա հիշեցրեց Թուրքիայում ԱՄՆ դեսպան Թոմաս Բարաքի հայտարարությունը, որը խոստովանել է, որ Վաշինգտոնը պատրաստ է կառավարել Իրանի սահմանի մոտ գտնվող տրանսպորտային միջանցքը։

«Եթե նրանք գան այնտեղ (տարածաշրջան,  էլ չեն հեռանա», -ասաց փորձագետը՝ ընդգծելով, որ առաջիկա հանդիպման մասնակիցները «հաշվի չեն առնում» ռուսական կողմի շահերը։